Saturday, August 20, 2011

சூனியத்தால் பாதிக்கப்பட்ட நடிகை - மங்களா விமர்சனம்


மனிதனின் ஆழ் மனதின் வக்கிரங்களும் அதி உட்சபட்ச கோபமும் வெளிப்படும் வழியே சூன்யம் அல்லது செய்வினை. இப்படி சூன்யம் வைக்கப்பட்ட ஒரு நடிகையின் கதையே இந்த மங்களாதிரைப்படம்.

சார்மி ஒரு தெலுங்குப்பட நடிகை. அவளுக்கு ஒரு தீவிர ரசிகன் இருக்கிறான். அந்த ரசிகன் சார்மிக்காக ஒரு காரையே பரிசளிக்கக்கூடிய அளவுக்கு வெறியன். ஒருமுறை ரசிகர்களுக்கு சார்மி ஆட்டோகிராப் போட்டுக் கொடுக்கையில் ஒரு சில்மிஷ ரசிகன் சார்மியின் உடம்பில் அத்துமீறல் செய்ய, அதை செய்தது தனக்கு கார் கொடுத்த ரசிகன்தான் என்று தவறாக நினைத்து அவனை அறைந்துவிடுகிறாள். உடனே சார்மியின் நண்பனும் பாடிகார்டுமான சுப்பு என்பவன் அந்த ரசிகனை நையப்புடைக்கிறான். அவமானத்தாலும், அசிங்கத்தாலும் காயப்பட்ட அந்த ரசிகன் பூச்சிமருந்தை குடித்துவிட்டு உயிருக்கு போராடிக்கொண்டு இருக்கிறான். இங்குதான் சார்மிக்கு விதி விளையாட்டு காட்டுகிறது..

மருந்து குடித்த அந்த ரசிகனின் அப்பா ஒரு மிகக்கொடுரமாக சூன்யம் வைப்பவர். அவர் ஷூட்டிங் ஸ்பாட்டில் இருக்கும் சார்மியிடம் வந்து தன் மகன் தவறு செய்யவில்லை என்றும், அவனை ஒரு முறை நேரில் வந்து பார்த்தால் அவன் பிழைத்து விடுவான் என்றும் கூறுகிறார். சார்மியும் வர சம்மதிக்கும் போது, டைரக்டர் அவள் செல்லக்கூடாது இங்கு வேலை இருக்கிறது என்று கட் அண்ட் ரைட்டாக சொல்லிவிடுகிறார். சார்மி தன்னால் வர முடியாத சூழ்நிலை என்று விளக்க, அந்த அப்பாவோ சார்மியின் மீது கோபம் கொண்டு அவள் தலைமுடியை பிடித்து இழுக்கிறார். உடனே அங்கிருக்கும் ஆட்களால் அவர் அடித்து விரட்டப்படுகிறார். அது மட்டும் இல்லாமல் அவரது மகனும் இறந்து போகின்றான். உச்சபட்ச கோவத்திற்கு ஆளான அவர், சார்மிக்கு சூன்யத்தை வைத்துவிடுகிறார்.

அன்றிலிருந்து சார்மியின் நடவடிக்கைகளில் மாற்றம் தெரிய ஆரம்பிக்கிறது. இரவுகளில் திடீர் திடீர் என்று எதேதோ செய்ய ஆரம்பிக்கிறாள். அவளின் நண்பனான சுப்பு, ஒரு சாமியாரிடம் அழைத்து சென்று இவளுக்கு பைத்தியம் பிடித்திருக்கிறது என்று சொல்ல, சார்மி அவர்களை கிண்டல் செய்கிறாள். ஆனால் அவரோ இவளுக்கு நிச்சயம் பேய் பிடித்திருக்கிறது என்று சொல்லுகிறார். ஒருநாள் ஷூட்டிங் ஸ்பாட்டில் சார்மி மிகக்கொடுரமாக நடந்து கொள்ள, அப்போதுதான் அனைவரும் அதை உணர ஆரம்பிக்கின்றனர்.





மீண்டும் சாமியாரிடம் வந்து இப்போது என்ன செய்வது என்று கேட்க, அவர் சார்மியை பரிசோதித்து, இவளுக்கு வைக்கப்பட்டிருக்கும் சூன்யம் செகுச்சி வகையை சார்ந்த்து என்றும், இதை வைத்தவனால் மட்டுமே எடுக்க முடியும் என்று சொல்லுகிறார். உடனே சார்மியும் சுப்புவும் அந்த மந்திரவாதியை தேடிச்செல்ல அவர் இறந்து கிடக்கிறார். அப்போதுதான் அவர்களுக்கு வைக்கப்பட்டிருக்கும் சூன்யத்தின் தீவிரம் புரிகிறது. ஏனென்றால் வைத்தவன் மட்டும்தான் எடுக்க முடியும் என்பதால், தன்னால் எந்த சூழ்நிலையிலும் அதை எடுத்துவிடக்கூடாது என்று தானே தற்கொலை செய்து கொண்டிருக்கிறார் அந்த மந்திரவாதி.. அந்த செகுச்சி சூன்யம் இப்போது மிக வலிமையுடன் இருக்கிறது.

அந்த செகுச்சி சூன்யத்தை எடுக்க முயலும் சாமியாரும் அந்த சூன்யத்தின் பயங்கரமான சக்தியால் இறந்து போகிறார். இப்போது என்ன செய்வதென்றே தெரியாத சூழ்நிலையில் மற்றொரு பெண் சாமியாரை தேடி போகிறார்கள், அந்த சாமியார் 600 கிலோமீட்டர் காடுகளில் பயணித்தால் மிக சக்தி வாய்ந்த சிவதூதர்களும் அவர்களின் குருவும் அங்கே இருக்கிறார்கள், அவர்கள் இதற்கு ஒரு வழி சொல்வார்கள் என்று அவர்களை தேடி பயணப்படுகிறார்கள்

ஆனால் அங்கிருக்கும் அத்தனை சிவதூதர்களையும் அந்த குருவையும் விட அதிக சக்தி வாய்ந்ததாக இருக்கிறது அந்த செகுச்சி.. பின் எப்படி அந்த சிவதூதர்கள் சார்மியிடம் இருந்து அந்த செகுச்சியை விரட்டினார்கள் என்பது மீதிக்கதை..

படத்தின் ஆரம்பத்திலேயே அந்த கெட்ட சூனியக்காரனால் சூன்யம் வைக்கப்பட்ட ஒருவனை இந்த சிவதூதர்களிடம் அழைத்து வருவார்கள், ஆனால் அவரால் அதை எடுக்க முடியாது. ஏனென்றால் காலம் கடந்துவிட்டது என்று சொல்லுவார். உடனே அந்த நபரின் உடல் காற்றில் சுழற்றி அடிக்கப்பட்டு, வெறும் இதயம் மட்டும் தான் கிழே விழும்.. படமே இப்படி ஒரு டெரரான காட்சியில் தான் தொடங்குகிறது நடு நடுவே சில காட்சிகள் ஸ்லோவாக சென்று படத்தின் டெம்போவை குறைத்தாலும் சார்மியின் மீது செகுச்சி வரும் போதெல்லாம் அந்த டெம்போ எகிறி அடிக்கிறது. சார்மியை சுற்றி கலாட்டா செய்யும் ரோமியோக்களை சார்மி செகுச்சியாய் மாறி சுழற்றி அடிக்கும் காட்சிகள் எல்லாம் அட்டகாசம்.

செகுச்சியை வரவழைக்கும் சாமியே இறந்துகிடப்பது. தன்னை இன்சல்ட் செய்யும் டைரக்டரை பயம் காட்டி அலற வைப்பது. வீட்டில் இருந்து மறைந்து நடுரோட்டில் கிடப்பது. செகுச்சியாய் மாறி சிவதூதர்களையே அடித்து நொறுக்குவது என சார்மி பின்னி பெடலெடுத்திருக்கிறார். வொண்டர்ஃபுல் பர்ஃபாமென்ஸ். அதிலும் ஷூட்டிங் ஸ்பாட்டில் ஓடிப்போன காதலனை நினைத்து அழுது நடிக்க வேண்டும் என்ற காட்சியில் சார்மி நம்மை விலா நோக சிரிக்க வைத்திருக்கிறார். தமிழ்சினிமா இயக்குனர்களை இந்தப்படத்தில் அநியாயத்துக்கு கிண்டலடித்திருக்கிறார்கள். அது ஒன்றுதான் சற்று வேதனை. (ஆனாலும் நம்மிடம் இப்படியும் சில இயக்குனர்கள் இருக்கிறார்கள் என்பதை ஒப்புக்கொள்ளத்தான் வேண்டும்



அந்த காட்டைத்தேடி காரில் செல்லும் காட்சிகளில் எல்லாம் எடிட்டர் இன்னும் கொஞ்சம் தன் கத்தரிக்கு வேலை கொடுத்திருந்தால் அந்த கிரிஸ்ப் பினிஷிங் கிடைத்திருக்கும். படத்திலிருந்து சற்றே விலகி இருக்கும் மனநிலை இந்த இடங்களில்தான் ஏற்படுகிறது. பின்னணி இசையும் ஒளிப்பதிவும் ஒரு திகில் படத்திற்கு என்ன வேண்டுமோ அதை சரியாய் செய்திருக்கின்றன.

சார்மி சினிமா நடிகை என்பதால் ஷூட்டிங் ஸ்பாட்டில் எடுக்கப்படுவது போலே இரண்டு பாடல் காட்சிகளை நுழைத்திருக்கிறார்கள். சிவகுரு பாடுவது போல் அமைக்கப்பட்டிருக்கும் கடைசிப்பாடலில் இன்னும் கொஞ்சம் ஃபாஸ்ட் ஃபீட்டை ஏற்றி இருந்தால் அந்த பேய் விரட்டும் எஃபெக்ட் இன்னும் கொஞ்சம் அதிகமாய் கிடைத்திருக்கும். (இந்த விஷயம் காஞ்சனாவின் கடைசிப்பாடலில் மிகச்சரியாய் அமைக்கப்பட்டிருக்கும் ) சிவகுருவுக்கும் செகுச்சிக்கும் இடையேயான அந்த கான்வர்சேஷன், பாடலின் இடையிலேயே அமைக்கப்பட்டிருப்பதால் செகுச்சியின் அதி தீவிரம் காணாமல் போய்விடுகிறது. ஆனாலும் நம்மை சில இடங்களில் பயப்படுத்தி, சில இடங்களில் என்ன நடக்குமோ என்ற படபடப்பை படம் ஏற்படுத்தி விடுவது என்னமோ உண்மைதான்.


மங்களா- திகிலா


ட்ரெய்லர் பார்த்து கொஞ்சம் அலறுங்கள்







உங்களுக்கு இந்தப்பதிவு பிடித்திருந்தால் உங்கள் ஓட்டுக்களையும் கருத்துக்களையும் கொடுக்கலாமே..

31 comments:

கோகுல் said...

நிறையவே அலறினேன்!

M.R said...

நல்ல விமர்சனம்

பார்க்க தூண்டுகிறது சகோ

பகிர்வுக்கு நன்றி

M.R said...

இன்று தான் தங்கள் தளம் முதன் முதலாக வருகிறேன் அருமையாக உள்ளது

கவிதை காதலன் said...

//கோகுல் said...
நிறையவே அலறினேன்!//

நன்றி கோகுல்

கவிதை காதலன் said...

//M.R said...
நல்ல விமர்சனம்
பார்க்க தூண்டுகிறது சகோ
பகிர்வுக்கு நன்றி
இன்று தான் தங்கள் தளம் முதன் முதலாக வருகிறேன் அருமையாக உள்ளது//

நன்றி நண்பா.. அடிக்கடி வாருங்கள்..

!* வேடந்தாங்கல் - கருன் *! said...

விமர்சனம் மிரட்டலா இருக்கு நண்பா..

பாராட்டுகள்...

Saravanaa said...

Other lonuage'la varra nalla movies'a thodarndhu theriya paduthungal.

Saravanaa said...

Other lonuage'la varra nalla movies'a thodarndhu theriya paduthungal.

கவி அழகன் said...

ஐயோ சாமி

பன்னிக்குட்டி ராம்சாமி said...

அப்பா பயங்கரமா இருக்கே, நல்ல கதைக்களம்.......!

ஸ்வீட் ராஸ்கல் said...

இன்னும் படம் பார்க்கவில்லை மச்சி.இன்னக்கி பார்த்துட்டு கண்டிப்பா நாளைக்கு சொல்றேன்.ஆனா விமர்சனமே பயங்கரமா இருக்கு.அதுவும் ட்ரெய்லர் கொஞம் பயப்படவைக்குது.

சென்னை பித்தன் said...

தெலுங்குப் படமா?எண்டமூரி கதை மாதிரி இருக்கிறதே!

அம்பாளடியாள் said...

அச்சச்சோ பயமா இருக்கு .ஆனா விமர்சனம் அருமை!...மிக்க நன்றி

சகோ பகிர்வுக்கு.......என் தளத்தில் இன்று நகைச்சுவை உள்ளது காணத்

தவறாதீங்க.......

vinu said...

machi trailor ethuvooo podurathoo sonniye athu engey machii.................................................................................................

சே.குமார் said...

படத்தை பார்க்கத் தூண்டும் நல்ல விமர்சனம்.

பிரதாப் said...

மச்சி கிளைமாக்ஸ் சூப்பர்டா............. கிளைமாக்ஸ் காட்சி இன்னும் பெருசா பண்ணிருக்கலாம்

இந்திரா said...

எனக்குப் பொதுவாகவே இந்த மாதிரி படங்களென்றாலே அலர்ஜி்..
உங்கள் பதிவும் புகைப்படங்களும், பயத்தை அதிகரிக்கிறது.
நான் பாக்கமாட்டேன்டா சாமி..

vidivelli said...

விமர்சனங்கள் நல்லாயிருக்கு..
பதிவுக்கு வாழ்த்துக்கள்..

http://sempakam.blogspot.com

கவிதை காதலன் said...

//!* வேடந்தாங்கல் - கருன் *! said...
விமர்சனம் மிரட்டலா இருக்கு நண்பா..
பாராட்டுகள்... //

நன்றி நண்பா...

கவிதை காதலன் said...

// Saravanaa said...

Other lonuage'la varra nalla movies'a thodarndhu theriya paduthungal. //

கண்டிப்பா தெரியப்படுத்துறேன் சரவணா..

கவிதை காதலன் said...

//கவி அழகன் said...
ஐயோ சாமி//

ஏன் அழகன் பயப்படுறீங்க?

கவிதை காதலன் said...

// பன்னிக்குட்டி ராம்சாமி said...
அப்பா பயங்கரமா இருக்கே, நல்ல கதைக்களம்......//

நல்லா இருக்கும் பாருங்க தலைவா

கவிதை காதலன் said...

// ஸ்வீட் ராஸ்கல் said...

இன்னும் படம் பார்க்கவில்லை மச்சி.இன்னக்கி பார்த்துட்டு கண்டிப்பா நாளைக்கு சொல்றேன்.ஆனா விமர்சனமே பயங்கரமா இருக்கு.அதுவும் ட்ரெய்லர் கொஞம் பயப்படவைக்குது. //

சீக்கிரம் பாரு மச்சி

கவிதை காதலன் said...

// சென்னை பித்தன் said...
தெலுங்குப் படமா?எண்டமூரி கதை மாதிரி இருக்கிறதே! //

ஆமா நண்பா.. வாய்ப்பு கிடைச்சா பாருங்க

கவிதை காதலன் said...

// சச்சோ பயமா இருக்கு .ஆனா விமர்சனம் அருமை!...மிக்க நன்றி
சகோ பகிர்வுக்கு.......என் தளத்தில் இன்று நகைச்சுவை உள்ளது காணத்
தவறாதீங்க.......//

நன்றி.. கண்டிப்பாக வருகிறேன்..

கவிதை காதலன் said...

// vinu said...
machi trailor ethuvooo podurathoo sonniye athu engey machii. //

figure vantha appuram un kannula ethuvume theriya maattengutha machi?

கவிதை காதலன் said...

// சே.குமார் said...
படத்தை பார்க்கத் தூண்டும் நல்ல விமர்சனம். //

நன்றி குமார்.. தொடர்ந்து படியுங்கள்

கவிதை காதலன் said...

// பிரதாப் said...
மச்சி கிளைமாக்ஸ் சூப்பர்டா............. கிளைமாக்ஸ் காட்சி இன்னும் பெருசா பண்ணிருக்கலாம் //
நன்றி மச்சி.. எனக்கும் க்ளைமேக்ஸ்ல அதே மாதிரிதான் ஃபீல் இருந்துச்சி..

கவிதை காதலன் said...

// இந்திரா said...
எனக்குப் பொதுவாகவே இந்த மாதிரி படங்களென்றாலே அலர்ஜி்..
உங்கள் பதிவும் புகைப்படங்களும், பயத்தை அதிகரிக்கிறது.
நான் பாக்கமாட்டேன்டா சாமி. //

ஏன் இந்திரா இந்த அளவுக்கு பயப்படுறீங்க.. படம் நார்மலாதான் இருக்கும்.. எனக்கு இந்த ஜானர் எல்லாம் ரொம்ப பிடிக்கும்..

கவிதை காதலன் said...

// vidivelli said...
விமர்சனங்கள் நல்லாயிருக்கு..
பதிவுக்கு வாழ்த்துக்கள்.. //

நன்றி நண்பரே...

விஷ்ணு said...

நல்ல படம் ............... நல்ல விமர்சனம் .............

இதையும் படியுங்கள்