Monday, November 15, 2010

எங்கே போகிறார்கள் தயாரிப்பாளர்கள்?

ஒரு திரைப்படம் உருவாக இயக்குநர், கதாசிரியர், இசையமைப்பாளர், எடிட்டர், என எத்தனையோ பேர் காரணகர்த்தாவாக இருந்தாலும் இவர்கள் அனைவரையும் விட மிக முக்கியமான ஒருவர் இருக்கிறார்। அவர்தான் தயாரிப்பாளார். பூஜை போடுவதற்கு எலுமிச்சை பழம் வாங்குவதில் இருந்து, படம் முடிந்து பூசணிக்காய் உடைப்பது வரை அத்தனை செலவுகளுக்கும் அனைவரும் எதிர்நோக்கும் ATM இவர் ஒருவரே.

வெற்றியோ தோல்வியோ அதன் முழு விளைவுகளையும் எதிர்கொள்ளும் ஒரே நபர் இவர் மட்டுமே. எத்தனையோ வெற்றிப்படங்கள் கொடுத்தும், மறக்க முடியாத சில காவியங்கள் உருவாக காரணமாகவும் இருந்த சில தயாரிப்பாளர்கள் இன்று எங்கே இருக்கிறார்கள், என்ன செய்து கொண்டு இருக்கிறார்கள் என்பது புரியாத புதிராகவே இருக்கிறது. சினிமா என்னும் மாய கரத்தால் சிகரத்தில் தூக்கி வைத்து கொண்டாடப்பட்ட சில தயாரிப்பாளர்கள், அதே சினிமாவினால் அதளபாதாளத்தில் தள்ளப்பட்ட சில கதைகளை இங்கே பார்க்கலாம்
A।M.ரத்னம் : விஜயசாந்தியின் மேக்கப் மேனாக இருந்து, பின் படிப்படியாக உயர்ந்து திரைப்பட தயாரிப்பாளர் ஆனவர். தமிழ்சினிமாவின் மெகா மெகா ஹிட் படங்கள் அத்தனையும் இவரது தயாரிப்பில் உருவானவையே. இந்தியன், கில்லி, தூள், குஷி, 7g ரெயின்போ காலனி, ரன் என இவர் தயாரித்த அத்தனைப்படங்களும் வசூலில் புது சகாப்தத்தையே படைத்தது. ஒரு தயாரிப்பாளரால் இப்படியும் வெற்றிகளை குவிக்க முடியுமா என்று அனைவரும் ஆச்சர்யத்தில் உறைந்திருந்த போதுதான் இவருக்கான சினிமா பாம்பு தன் பரமபத ஆட்டத்தை துவங்கியது. பாய்ஸ் (25 கோடி), எனக்கு 20 உனக்கு 18 (22 கோடி), நாயக் (ஹிந்தி- 25 கோடி), கேடி, பீமா என அத்தனைப்படங்களின் தோல்வியும் சினிமா குதிரையின் மேலிருந்து இவரை புறந்தள்ளியது ஆரம்ப காலத்தில் கதையின் மீது இருந்த இவரது கவனம் சிதறத்தொடங்கியதன் விளைவே இது.

கே.டி. குஞ்சுமோன் : திரைப்படத்துறையில் இருபது வருடங்களுக்கு மேலாக மிகுந்த அனுபவம் கொண்டவர். ஜெண்டில்மேன, காதலன் என மெகா வெற்றிப்படங்களை கொடுத்து கோடிகளை குவித்தவர். வெள்ளிவிழாப்படங்கள், விருதுகள், என புகழின் உச்சத்திலேஇருந்தவர். திரைப்படங்களை பெரும் பொருட்செலவில் தயாரித்து தமிழ்சினிமாவில் அசைக்கமுடியாத தயாரிப்பாளராக இருந்தவர். பிரவின்காந்த் இயக்கத்தில் நாகார்ஜுனா, சுஷ்மிதாசென் நடிப்பில் ஏ.ஆர்.ரஹ்மான் இசையமைப்பில் சுமார் 15 கோடி தயாரிப்பில் ரட்சகன் என்ற படத்தை தயாரித்தார். (90’களின் காலகட்டத்தில் இந்தத்தொகை மிகப்பெரிது). ரசிகர்களின் எதிர்பார்ப்பை பூர்த்தி செய்யாததால் இந்த “ரட்சகன்” குஞ்சுமோனை ரட்சிக்கவில்லை. மிகப்பெரும் நஷ்டத்தை சந்தித்தார்.

இதனை சரி செய்வதற்காகதன் மகன் "எபி"யை கதாநாயகனாக்கி "கோடீஸ்வரன்" என்ற பெயரில் மிகப்பெரும் பட்ஜெட்டில் ஒரு திரைப்படத்தை துவக்கினார்। ஆனால் பணப்பற்றாக்குறை, முந்தைய படத்தின் தோல்வியின் விளைவு என இந்தப்படம் வெளிவராமலே போனது. குஞ்சுமோன் என்ற தயாரிப்பாளரை தமிழ்சினிமா மறந்தே போனது. ஆனால் அத்தனை தடைகளையும் உடைத்தெறிந்து மறுபடியும் காதலுக்கு மரணமில்லை என்ற படத்தின்மூலம் மறுபடியும் தமிழ்சினிமாவிற்குள் புதுப்பிரவேசம் செய்யவிருக்கிறார். பார்க்கலாம், தமிழ்சினிமாவின் மாயகரம் மறுபடி இவரை என்ன செய்யப்போகிறது என்று?

சேது கந்தசாமி : சேது என்ற ஒரு திரைப்படத்தின் மூலம் தமிழ் சினிமா உலகத்தையே திரும்பி பார்க்க வைத்தவர். நடிகர் விக்ரமுக்கு புது வாழ்க்கையையே அமைத்துக்கொடுத்தவர். பாலா என்ற அற்புத கலைஞனை அடையாளம் காடியவர். அடுத்து இவர் என்ன செய்யப்போகிறார் என்று சினிமா உலகமே ஆர்வமுடன் எதிர்பார்த்துக்கொண்டிருந்த கால கட்டத்தில் சரியான அனுபவமில்லாதவர்களுடன் இணைந்து திரைப்படம் எடுத்து காணாமல் போனார். ஒரு திரைப்படத்தின் வெற்றியை எப்படி பயன்படுத்திக்கொள்ளவேண்டும் என்று உணராததால் ஏற்பட்ட விளைவே இது.

Dr. உதயகீதா : அழகி என்றொரு திரைப்படத்தின் மூலம் அத்தனை பேரின் விழிகளிலும் ஈரம் கசிய செய்த தயாரிப்பாளர. தங்கர் பச்சானின் இன்னொரு முகத்தை தமிழ் சினிமாவிற்கு அறிமுகப்படுத்திய தயாரிப்பாளர். தமிழின் மிகச்சிறந்த அழகியலான திரைப்படத்தை தயாரித்தவர். மிகவும் எதிர்பார்க்கப்பட்டவர். முதல் படம் கொடுத்த வெற்றியின் போதையில் என்ன செய்கிறோம் என்றே தெரியாமல் அடுத்து "அன்பு" என்று ஒரு படத்தை தயாரித்தார்.சரியான கதை, பொருத்தமான நடிகர் நடிகை இல்லாததால் தோல்வியை தழுவினார்.

சிவசக்தி பாண்டியன் : காதல் கோட்டை என்ற ட்ரண்ட் செட்டர் படத்தை கொடுத்தவர். அகத்தியன் இந்த படத்திற்காகத்தான் சிறந்த இயக்குநருக்கான தேசிய விருதை பெற்றார். காலமெல்லாம் காதல் வாழ்க, கண்ணெதிரே தோன்றினாள், வெற்றிக்கொடி கட்டு போன்ற பல வெற்றிப்படங்களை தயாரித்தவர். இவர் தயாரிக்கும் படம் என்றாலே குடும்பத்துடன் பார்க்கலாம் என்ற நம்பிக்கையை ஏற்படுத்தியவர். வெற்றியின் மயக்கம் கதையின் மீது வைக்க வேண்டிய நம்பிக்கையை மறந்து போக செய்தது. அதன்பின் காதலே நிம்மதி, கனவே கலையாதே போன்ற அதரப்பழசான கதையம்சம் திரைப்படங்களை எடுக்கதொடங்கினார். வெற்றியின் பாதையில் இருந்து தோல்வியின் பாதை நோக்கி மிக வேகமாக நடக்க தொடங்கினார். தன்னைவிட்டு விலகிப்போவதை அறிந்த தமிழ் சினிமாவும் இவரை கண்டுகொள்ளவே இல்லை. ஒரு சாதாரண தியேட்டர் அதிபராக இருந்து பல வெற்றிப்படங்களை தயாரித்து, பின் வெற்றியின் மயக்கத்தால் காணாமல் போனவர்.

S.K.கிருஷ்ணகாந்த் : சில பேர் தமிழ் சினிமாவில் பரபரப்பாக பேசப்படுவார்கள். அப்படி திடீரென பரபரப்பான வெற்றியால் பேசப்பட்டவர்தான் இந்தியன் தியேட்டர்ஸ் என்ற பெயரில் பட நிறுவனம் துவங்கிய தயாரிப்பாளர் கிருஷ்ணகாந்த். தனுஷை கதாநாயகனாக வைத்து இவர் தயாரித்த திருடா திருடி திரைப்படம். வசூலில் சக்கை போடு போட்டது. நினைத்துப்பார்க்க முடியாத அளவிற்கு வெற்றியை ருசித்த இவர், அடுத்து சிம்ம்புவை வைத்து மன்மதன் படத்தை தயாரித்தார். படம் வெற்றிப்படம் என்றாலும் இதன் இதன் தயாரிப்பு பணிகளில் ஏற்பட்ட தாமதம், கதாநாயகன் பஞ்சாயாத்து, என பணரீதியாக நொந்து போனார். மறுபடியும் தனுஷை கதாநாயகனாக்கி இவர் தயாரித்த புதுக்கோட்டையிலிருந்து சரவணன் படமும் தோல்வியையே சந்தித்தது. அடுத்து சிவாஜியின் பேரன் துஷ்யந்தனை வைத்து இவர் தயாரித்த மச்சி திரைப்படமும் இவருக்கு தோல்வியையே அளித்தது. விவேக்கை கதாநாயகனாக வைத்து இவர் தயாரித்த சொல்லி அடிப்பேன் படமும் தயாரிப்பிலே கிடக்கிறது. பரபரப்பாக பேசப்பட்ட அதே நேரத்திலேயே பரவலான வீழ்ச்சியை சந்தித்தவர்.


இங்கு நாம் குறிப்பிட்டவர்கள் எல்லாம் சமீபகாலத்தில் மிகப்பெரிய அளவில் வளர்ந்து திடீரென புகழின் வெளிச்சத்திலிருந்து மறைந்து போனவர்கள். அந்த காலகட்டத்திலிருந்தே இது போன்ற பலரை நாம் பார்க்கலாம். இதற்கெல்லாம் முக்கிய காரணம் என்னவென்று பார்த்தால் அலட்சியப்போக்கும், வெற்றியின் மயக்கமும் தான் முக்கியமானதாக இருக்கும்.

முதற்படம் தயாரிக்கும் போது, அதை வெற்றிப்படமாக்கிவிட வேண்டும் என்று இவர்களுக்கு இருக்கும் வேகமும், சுறுசுறுப்பும், ஒரு சில வெற்றிகளை ருசித்தவுடன் இவர்களிடம் காணாமல் போய்விடுகிறது. அடுத்தடுத்த படங்களின் வெற்றி, தாங்கள் கேட்கும் கதைகளின் ரசனையின் மீதான நம்பிக்கையை அதிகப்படுத்தி விடுகின்றன. அது எவ்வளவு சுமாரான கதையாக இருந்தாலும், தான்கதை கேட்டு தயாரித்துவிட்டால் அது மிகப்பெரும் வெற்றிபெற்றுவிடும் என்ற குருட்டு நம்பிக்கை இவர்களுக்கு ஏற்பட்டுவிடுகின்றன.

முதல்படம் தயாரிக்கும் போது கதைக்கான தேடுதல், இயக்குனருக்கான தேடுதல், என இவர்களது அர்ப்பணிப்பு மிகவும் சிரத்தையாக இருக்கும். பின் மெல்ல மெல்ல வெற்றியின் அளவுகோல் கூடும் போது, கதையின் மீது வைக்க வேண்டிய நம்பிக்கையை ஸ்டார் இயக்குனர்களிடமும், உச்ச நடிகர்களிடமும் வைக்கிறார்கள். முடிவில் தோல்வியை சந்தித்து தமிழ்சினிமாவில் இருந்து வெளியே தள்ளப்படுகிறார்கள்.

இது எல்லாகால கட்டத்திற்கும் பொருந்தும். எல்லா நிலை தயாரிப்பாளர்களுக்கும் பொருந்தும். இந்த நிலை மாற வேண்டும், தயாரிப்பாளர்கள் பெருக வேண்டும் என்றால் ஓரளவிற்காவது கதை ஞானம் இருக்க வேண்டும், இல்லையேல் கதைஞானம் உள்ளவர்களை அருகில் வைத்துக்கொள்ள வேண்டும். நல்ல கதைகள் கொண்டு வரும் படைப்பாளிகளை ஊக்குவிக்க வேண்டும். இல்லையெனில் இப்போது உள்ள தயாரிப்பாளர்களையும் நாம் பின்னாளில் இது போன்ற ஒரு கட்டுரையில் தேடத்தான் வேண்டியிருக்கும்.

32 comments:

பதிவுலகில் பாபு said...

மனிதனுக்கு புகழின் உச்சியில் ஏற்படும் மமதையாலே இதுபோல் சரிவுகள் ஏற்படுகிறது..

அருமையான பதிவு..

ரமணிசுபி said...

தமிழ் சினிமா தயாரிப்பு முழுக்க ஒரே ஒரு குடும்பம் குத்தகைக்கு எடுத்துகிச்சு, மத்தவங்க எல்லாம் ஏன் வீண் வம்புனு ஒதுங்கிட்டாங்க, அவ்ளோதான் விஷயம்

Arvind said...

அருமையான அலசல்.. வாழ்த்துக்கள் கவிதை காதலன்

Mohan said...

விசில்,பாண்டவர் பூமி போன்ற படங்களைத் தயாரித்த 'பென்டா மீடியா'வையும் இந்த லிஸ்டில் சேர்க்கலாம்.

Balaji saravana said...

நல்ல அலசல் பாஸ்!

இந்திரா said...

கமர்சியல் வெற்றி மட்டுமே தமது நோக்கமாக எண்ணி பெரிய ஹீரோக்களை குறிவைத்து தயாரிப்பாளர்கள் படையெடுப்பதை நிறுத்தினாலே போதும்.
அதுமட்டுமின்றி இவர்கள் தங்கள் வாரிசுளை அறிமுகம் செய்வதில் காட்டும் அக்கறையை கொஞ்சம் கதைகளிலும் காட்டலாம்.

கவிதை காதலன் said...

//பதிவுலகில் பாபு said...
மனிதனுக்கு புகழின் உச்சியில் ஏற்படும் மமதையாலே இதுபோல் சரிவுகள் ஏற்படுகிறது..
அருமையான பதிவு..//

தங்கள் கருத்துக்கு மிக்க நன்றி பாபு

பிரியமுடன் ரமேஷ் said...

அருமையான பதிவு..

கவிதை காதலன் said...

//ரமணிசுபி said...
தமிழ் சினிமா தயாரிப்பு முழுக்க ஒரே ஒரு குடும்பம் குத்தகைக்கு எடுத்துகிச்சு, மத்தவங்க எல்லாம் ஏன் வீண் வம்புனு ஒதுங்கிட்டாங்க, அவ்ளோதான் விஷயம்//

குறிப்பிட வேண்டிய விஷயம் நீங்க சொன்னது.. ஆமா என்ன ரொம்ப நாளா கமெண்ட் போடவே இல்லை நீங்க?

கவிதை காதலன் said...

//Arvind said...
அருமையான அலசல்.. வாழ்த்துக்கள் கவிதை காதலன்//

நன்றி அர்விந்த்.. வீட்ல கல்யாணத்துக்கு ஓகே சொல்லிட்டாங்களா?

கவிதை காதலன் said...

//Mohan said...
விசில்,பாண்டவர் பூமி போன்ற படங்களைத் தயாரித்த 'பென்டா மீடியா'வையும் இந்த லிஸ்டில் சேர்க்கலாம்.//

மிக்க நன்றி மோகன்.. கண்டிப்பா சொல்லணும்...

கவிதை காதலன் said...

//Balaji saravana said...
நல்ல அலசல் பாஸ்//

நன்றி பாலாஜி

கவிதை காதலன் said...

//இந்திரா said...
கமர்சியல் வெற்றி மட்டுமே தமது நோக்கமாக எண்ணி பெரிய ஹீரோக்களை குறிவைத்து தயாரிப்பாளர்கள் படையெடுப்பதை நிறுத்தினாலே போதும்.
அதுமட்டுமின்றி இவர்கள் தங்கள் வாரிசுளை அறிமுகம் செய்வதில் காட்டும் அக்கறையை கொஞ்சம் கதைகளிலும் காட்டலாம்.//

சரியான வாதமும் கூட.. நன்றி இந்திரா அவர்களே...

கவிதை காதலன் said...

//பிரியமுடன் ரமேஷ் said...
அருமையான பதிவு..//

தங்கள் கருத்துக்கு மிக்க நன்றி ரமேஷ்...

சி.பி.செந்தில்குமார் said...

சூப்பரான அலசல்.கட்டுரை பார்க்க 3 பக்க அளவுதான் என்றாலும் இதில் தரப்பட்ட விபரங்கள் 3 நாட்கள் சேகரிக்கப்பட்டது போல் விளக்கமாய் உள்ளது.வாழ்த்துக்கள்

சி.பி.செந்தில்குமார் said...

மைனா விமர்சனத்தின் போதே உங்கள் எழுத்தில் ஏற்பட்ட எழுச்சியையும் ,மாற்றத்தையும் கவனித்தேன்.இப்படி நீங்கள் சினிமா விமர்சனம்,கட்டுரை என கலக்க ஆரம்பித்தால் நான் கவிதை எழுதி விடுவேன் என எச்சரிக்கிறேன்.

சி.பி.செந்தில்குமார் said...

எனக்கு தமிழ்மணத்தில் ஓட்டு விழுவதில் ஏதோ சிக்கல்.மற்ற 3இலும் போடறேன்

ஸ்வீட் ராஸ்கல் said...

Hi மச்சி,
மிக நல்ல பதிவு,அருமையான அலசல்.கலக்கிட்ட டா மச்சி.ரமணிசுபி சொன்னது 100/100 உண்மை.மூத்த பேரன்,அதற்கடுத்த பேரன்,3வது பையன்,போதாததற்கு கட்சியில் உள்ள மாவட்ட செயலாளர்கள் வேறு.இப்படி ஆளாளுக்கு நானும் தயாரிக்கிறேன்,நானும் தயாரிக்கிறேன் என்று கிளம்பிவிட்டால் மற்றவர்கள் எல்லாரும் மூட்டையை கட்டிக்கொண்டு ஊருக்கு கிளம்பவேண்டியது தான்.ஆசியாவிலேயே முதல் பணக்காரர்களாக இருந்தால் இப்படித்தான்.ஆனாலும் இப்படியாவது கறுப்பு பணமெல்லாம் வெளியே வருவதால் சந்தோஷமே.ஐயையோ கமெண்ட் போட சொன்னால் வேற ஏதேதோ பேசிட்டு இருக்கேன்.சாரி மச்சி.
கமர்ஷியல் வெற்றி என்று பார்க்காமல் கதைகளை நம்பி படம் தயாரித்தால் நிச்சயம் தயாரிப்பாளர்கள் தப்பலாமே தவிர வேறு வழியில்லை.அதே போல் புகழ் தந்த போதையில் ஆடாமல்,அடக்கமாக இருந்தாலும் தப்பிக்கலாம்.எப்போதும் போல் ஒரு அருமையான பதிவை தந்திருக்கிறாய்.வாழ்த்துக்கள் மச்சி.தொடர்ந்து எழுது.

சிவா said...

நல்ல விளக்கமான விரிவான பகிர்வு!

அன்பரசன் said...

நல்ல அலசல்..

nadhiya said...

செந்தில் சார்.. கவிதைக்காதலன் நிறைய பத்திரிக்கைகள், வெப்சைட்'ல விமர்சனம் எழுதினவர்தான்.. அது மட்டும் இல்லாம இந்த சைட்லையே ஆரம்ப காலத்துல விமர்சனம் கட்டுரைகள் எழுதினவர்தான். உங்களுக்கு டைம் இருந்தா அவருடைய நகைச்சுவை கட்டுரைகள் கொஞ்சம் படிச்சு பாருங்க.. இப்ப எல்லாம் ஏன் அவர் அதை எழுதறதில்லைன்னு தெரியலை..

ஜோதிஜி said...

தெளிவான அலசல்.

கவிதை காதலன் said...

//சி.பி.செந்தில்குமார் said... //

மிக்க நன்றி செந்தில் சார்.. ஏதோ கட்டுரைங்கிற பேர்ல கிறுக்குறேன்.. வேணாம்ன்னா சொல்லுங்க விட்டுடறேன்.. தேங்க்ஸ் ஃபார் வோட்டட்..

கவிதை காதலன் said...

//ஸ்வீட் ராஸ்கல் said... //

மச்சான்... ரொம்ப உணர்ச்சிவசப்பட்டுட்ட போல.. ஒண்ணே ஒன்னு மட்டும் நிச்சயம். ஆண்டவன் கொடுக்கிறதை யாராலும் தடுக்க முடியாது.

கவிதை காதலன் said...

//சிவா said...
நல்ல விளக்கமான விரிவான பகிர்வு!//

நன்றி நண்பரே..

கவிதை காதலன் said...

//அன்பரசன் said...
நல்ல அலசல்.. //

நன்றி அன்பரசன்.. தொடர்ந்து வாருங்கள்..

கவிதை காதலன் said...

// ஜோதிஜி said...
தெளிவான அலசல்.//

முதன் முறை வந்திருக்கிறீர்கள். தொடர்ந்து படியுங்கள் நண்பரே..

கவிதை காதலன் said...

//nadhiya said... //


நன்றி நதியா.. என்ன இப்ப எல்லாம் உங்க கமெண்டை பார்க்கவே முடியறது இல்லை..

ரமணிசுபி said...

என்ன பண்றது மணி , முட்டாள் தனமா நானும் Ph.D பண்றேன்னு இறங்கிட்டேன் . தலைய தின்னுது . இதுல போடற effort எ அரசியல்ல போட்ருந்தா இந்நேரம் மாவட்ட மகளிர் அணி செயலாளர் ஆயிருப்பேன் , உங்களுக்கும் ஒரு தயாரிப்பாளர் கிடைச்சிருபாங்க.

ரமணிசுபி said...

ஹி ஹி , ரொம்ப அரசியல் பேசிட்டேனோ , எங்க ஊர்ல ஒரு கல்யாணம் நடக்குது , ஊரே அல்லோல கல்லோல பட்டுகிட்டு இருக்கு , அதுல கடுப்பாயிட்டேன் போல , கண்டுக்காதீங்க, plzzzzzzzzz

|கீதப்ப்ரியன்|Geethappriyan| said...

தயாரிப்பாளர்களை பற்றிய மிக நல்ல கட்டுரை
சிந்திக்க வைக்கிறது
நன்றி

Premkumar Masilamani said...

very nice post.. detailed information.. thanks :)

இதையும் படியுங்கள்