Friday, January 22, 2010

கன்னங்களோடு பேசிவிட்டு போ



உன் இதழ்கள்
என் காதுகளோடு பேசுவதை விட,
என் கன்னங்களோடு பேசுவதுதான்
எனக்கு மிகவும் பிடித்திருக்கிறது.
அடிக்கடி வந்து என் கன்னங்களோடு
பேசிவிட்டு போ



காதல் என்ற கைவிலங்கால்
உன்னில் என்னை பூட்டிக்கொண்டு
சாவியை தொலைத்துவிடு





என்னை கொஞ்சும் போது
உன்னிலிருந்து வெளிப்படும் காதலைவிட,
என்னை திட்டும் போது
உன்னிலிருந்து வெளிப்படும்
காதலே மிக அழகு

உன்னுடன் இருக்கும் இன்பத்தை விட
உனக்காக காத்திருக்கும்
இன்பம் மிகப்பெரியது.




Tuesday, January 12, 2010

அடிக்கடி தவறு செய்

நான் சுவைத்ததிலேயே
மிக அதிக இனிப்புசுவை கொண்டது
உன் இதழ்கள்தான்.
அதுசரி.. நீ உன் இதழ்களில்
லிப்ஸ்டிக் பூசுகிறாயா?
சர்க்கரை பூசுகிறாயா?


உன் விரல்களை
தொட்டு விளையாடும்
என் விரல்களைவிட,
உன் விழிகளை தொடாமல்
தொட்டு விளையாடும்
என் விழிகளுக்கே இன்பம் அதிகம்


உன் பெட்ரோல் விரலும்
என் தீக்குச்சி விரலும்
எதற்கு தனித்தனியே இருக்க வேண்டும்?
நம் காதல் கொஞ்சம்
குளிர் காய வேண்டுமாம்.
அருகே வா..


ஏழுகடல் தாண்டி யாரும்
கண்டுபிடித்து விட முடியாதபடிதான்
என் இதயத்தை ஒளித்து வைத்திருந்தேன்.
எப்படி அத்தனை ஆழத்தில் இருந்த
என் இதயத்தை சிறைப்பிடித்தாய்
உன் விழி தூண்டிலால்?

எதாவது தவறு செய்துவிட்டு
என்னை சமாதானப்படுத்தும்
அழகிற்காகவாவது
அடிக்கடி தவறு செய்.

இதையும் படியுங்கள்